Workshop dhe Seminare
Pjesëmarrja në të paktën një prej këtyre seminareve mund të përqendrojë përpjekjet tuaja për kërkimin e punës.
Syn+Ergasia Jobs & Skills Fair është një iniciativë e përbashkët ndërmjet Ambasadës së Greqisë në Shqipëri dhe Bashkisë Tiranë, organizuar nga RedCloud.
Syn+Ergasia është një event i rëndësishëm, i fokusuar në zhvillimin e aftësive, trajnime, rrjetëzim e aspekte të tjera të rritjes profesionale, me objektiv kryesor forcimin e lidhjeve të bashkëpunimit midis Greqisë dhe Shqipërisë.
Në datat 15-16 Shkurt 2024, Syn+Ergasia rikthehet me edicionin e dytë në Pallatin e Kongreseve pas një edicioni të suksesshëm në vitin 2022, i cili i hapi rrugë shkëmbimit të eksperiencave dhe praktikave më të mira nga dy vendet Shqipëria dhe Greqia.
Vizioni për edicionin e dytë do të orientohet drejt tre sektorëve më të rëndësishëm:
- Agrokultura
- Turizmi
- Teknologji
Dedikuar tre shtyllave të edicionit të dytë, për secilin sektor do të zhvillohen trajnime dhe sesione të shumta të cilat do të përmbledhin tematikat kyçe si dhe problematika të cilat kërkojnë zgjidhje praktike emergjente për një target grup specifik për secilin sektor. Planet e targetuara për një audiencë specifike në secilin sektor, do të adresojnë çështje dhe komponent thelbësor në tregun shqiptar dhe atë grek. Tematikat do të zgjerohen në disa degë: agroturizëm, teknologjitë në bujqësi, arsimi profesional në hoteleri-turizëm dhe zhvillimet teknologjike në përgjithësi.
Pjesëmarrja në të paktën një prej këtyre seminareve mund të përqendrojë përpjekjet tuaja për kërkimin e punës.
Panairi i punës dhe aftësive Syn+Ergasia është vendi i përsosur për të krijuar kontakte me njerëz të rinj që punojnë në industritë që dëshironi.
Syn+Ergasia gjithashtu mund t'ju prezantojë me opsione alternative të karrierës për të cilat mund të mos keni menduar më parë.